মই ভালপোৱা পখিলাজনী

মই ভালপোৱা পখিলাজনী
==================
✍ছফিকুল ইছলাম

শৰতৰ জোনাক নিশা
হৃদয় কাননৰ সেই ফুলপাহে
বতাহৰ চেঁৱে চেঁৱে ,
চৌদিশ আমোলমোৱাইছিল
নিজৰ সুবাসেৰে ৷

ফুলৰ ৰাগিত মজি
দৌৰি গৈছিলোঁ মই
সেই ফুলনিলৈ ,
ফুলপাহত আছিল বহি
আটক ধুনীয়া পখিলাজনী
সৰগৰ ৰাণী হৈ !
সুৰভি চটিয়াইছিল চৌপাশে
আনন্দ মনেৰে ৷

পখিলা নহয়
যেন এটি সোণবৰণীয়া তৰাই
প্ৰেমৰ কথা পাতি আছিল জোনাকৰ সৈতে ,
হাঁহি আছিল আনন্দত
ফুলনিৰ ফুলবোৰে ৷

জাকজমকীয়া সৌন্দৰ্য্যৰ ৰাগিত মজি ,
আগুৱাই গৈছিলোঁ মই তাইক ধৰিবলৈ ,
মায়াবী দৃষ্টিৰে লাজুকী হাঁহিৰে
প্ৰেমৰ হাত আগবঢ়াইছিল মোলৈ ,
নাচি উঠিছিলোঁ মই
আনন্দত আপোন পাহৰা হৈ ।
কিন্তু হঠাৎ………
এজাক দক্ষিণা বতাহ আহিল
উৰুৱাই লৈ গ’ল তাইক
অচিন দেশলৈ ৷

আহঃ কি বিষম !

আজিও তাইক বিচাৰি ফুৰিছোঁ মই
ধৰণীৰ ইমূৰৰ পৰা সিমূৰলৈ ,
কিয়নো………
তাইক পোৱাৰ তীব্ৰ বাসনাই মোক ,
যুগযুগ ধৰি
জীয়াই থাকিবলৈ অসীম প্ৰেৰণা যোগায় ৷

Comments

Post a Comment

Popular posts from this blog

জালিয়ানৱালাবাগৰ হত্যাকাণ্ডৰ বিষয়ে কিছু কথা

ভাৰতৰ ইতিহাসত আটাইতকৈ কুখ্যাত গণহত্যা , জালিয়ানৱালাবাগৰ হত্যাকাণ্ড -ঃ জালিয়ানৱালাবাগৰ হত্যাকাণ্ড বা অমৃতসৰৰ হত্যাকাণ্ড ভাৰতৰ ইতিহাসত এটি অন্যতম কুখ্যাত গণহত্যা। ১৯১৯ চনৰ ১৩ এপ্রিল তাৰিখে অবিভক্ত ভাৰতৰ পাঞ্জাব প্রদেশৰ অমৃতসৰ চহৰত ব্ৰিটিছ সেনানায়ক ব্রিগেডিয়াৰ ৰেগিনাল্ড ডায়াৰৰ নির্দেশত সংঘটিত হৈছিল এই কুখ্যাত হত্যাকাণ্ড ৷ ভাৰত উপমহাদেশ তেতিয়াও ব্ৰিটিছ শাসনৰ অধীনত আছিল । ১৯১৯ চনৰ ১৩ এপ্রিল , দেওবাৰ । সেই দিনটো আছিল শিখ ধৰ্মাৱলম্বী লোকসকলৰ নববর্ষ উৎসৱ। স্বর্ণমন্দিৰসংলগ্ন জালিয়ানৱালাবাগৰ বিশেষ প্রার্থনাসভাত উপস্থিত হৈছিল অমৃতসৰৰ বিভিন্ন ধৰ্মৰ অতি কমেও ২০ হাজাৰ মানুহ ৷ অমৃতসৰ চহৰৰ বিভিন্ন প্ৰান্তত তেতিয়া ব্ৰিটিছ চৰকাৰে প্ৰৱৰ্তন কৰা ৰাওলাট আইনৰ বিৰুদ্ধে আন্দোলন চলি আছিল । আন্দোলন নিয়ন্ত্ৰণ কৰিবলৈ ব্রিটিছ চৰকাৰে জাৰী কৰিছিল ১৪৪ ধাৰা । সেই ধাৰা ভঙ্গ কৰি নববর্ষ উৎসৱ পালনৰ উদ্দেশ্যে সকলোৱে জালিয়ানৱালাবাগৰ খেলপথাৰত সমবেত হৈছিল । চৌদিশ দেৱালেৰে আৱদ্ধ খেলপথাৰখনৰ প্ৰৱেশৰ বাবে এটি মাত্ৰ সৰু প্ৰৱেশদ্বাৰ আছিল যদিও তেনেই সৰু ৷ সেই খবৰ শুনি  ব্রিটিছ ব্রিগেডিয়াৰ জেনেৰেল ডায়াৰে ৫০ জন বন...
Read more

ইতিহাসে_পাহৰিলে_নেকি? ব্রিটিছৰ পতাকা প্ৰত্যাহাৰ কৰি, সর্বপ্রথম লালকিল্লাত পতাকা উত্তোলনকাৰী শাহনাৱাজক।

Image
ইতিহাসে_পাহৰিলে_নেকি ? ব্রিটিছৰ পতাকা প্ৰত্যাহাৰ কৰি, সর্বপ্রথম লালকিল্লাত পতাকা উত্তোলনকাৰী শাহনাৱাজক । ✍বায়েজিদ বোস্তামী     ভাৰতৰ ঐতিহাসিক কৃৰ্তিস্তম্ভ লালকিল্লাৰ উচ্চ শিখৰত অনবৰতঃ উৰি থকা “তিৰঙ্গা” হ'ল বিশাল ভাৰতবৰ্ষৰ গৌৰৱৰ প্রতীক। স্বাধীনতাৰ পূৰ্বে সেই স্থানত বৃটিছ পতাকাহে উৰিছিল।  আপুনি জানেনে? ব্রিটিছ পতাকাক প্ৰত্যাহাৰ কৰি, সর্বপ্রথম লালকিল্লাত কোনে পতাকা উত্তোলন কৰিছিল ?     বর্তমান ভাৰতবৰ্ষত যিসকলক পাকিস্তানী, জঙ্গী বুলি অপবাদ দিয়া হৈছে। তেখেত হ'ল সেইজন মুছলিম সম্প্রদায়ৰ ব্যক্তি, যিজন মহান স্বাধীনতা সংগ্রামী, বিশিষ্ট জননেতা, আজাদ হিন্দ ফৌজৰ মেজৰ, নেতাজী সুভাষ চন্দ্র বসুৰ নয়নমণি “জেনেৰেল শাহনাৱাজ খান।” তেখেত আছিল বর্তমান জনপ্রিয় বলিউড বাদশা শাহৰুখ খানৰ খুৰা। জন্মঃ-২৪ জানুৱাৰী ১৯১৪, আৰু মৃত্যু ৯ ডিচেম্বৰ ১৯৮৩ চন।     দেশৰ বাবে যিসকলে নিজৰ সর্বস্ব ত্যাগ কৰিছিল, জেনেৰেল শাহনাৱাজ আছিল তেওঁলোকৰ অন্যতম কিংবদন্তী পুৰুষ। তেখেতৰ বক্তৃতাই জনগনক দিব পাৰিছিল মনৰ খোৰাক। লালকিল্লাত প্রতিদিন সন্ধ্যীয়াত অনুষ্ঠিত “light and sound sh...
Read more

সাপ দেখিলে কি কৰিব , কি নকৰিব ৷

সাপ দেখিলে কি কৰিব, কি নকৰিবঃ ১/ সাপটোক আমনি নকৰিব, মানুহৰ উমান পালে সি নিজে আঁতৰি যাব। ২/ সাপ দেখাৰ লগে লগে পৰিৱেশটো উত্তাল কৰি নিদিব। লাহে লাহে পিছুৱাই আহক। ৩/ সাপটো যি ফালেদি ওলাই যোৱাৰ সম্ভাৱনা থাকে, সেই পথ বন্ধ নকৰিব। ৪/ সাপে মানুহক দংশন কৰিবলৈ ঘৰৰ ভিতৰলৈ নাহে। খাদ্য বস্তুৰ সন্ধানত বা খাদ্য বস্তুৰ পাছে পাছে আহি সাপ ঘৰ সোমায়। ঘৰৰ ভিতৰত সাপ সোমালে, যদি ওলাই যোৱাৰ পথ সি বিচাৰি নাপাই তেন্তে দুৱাৰ-খিৰিকী খুলি দি তাক ওলাই যোৱাত সহায় কৰক। ৫/ সাপৰ বিষয়ে পূৰ্ণ জ্ঞান আৰু অভিজ্ঞতাৰ অবিহনে সাপ ধৰিবলৈ নাযাব। বিভাগীয় অনুমতি থকা সুদক্ষ ব্যক্তিৰ সহায় লওক। ৬/ ফেনাইল জাতীয় বিষাক্ত দ্ৰৱ্য তাৰ গালৈ ছটিয়াই নিদিব, এনে কৰিলে সাপটোৰ খং উঠি আপোনাক আক্ৰমণ কৰিব পাৰে। ৭/ যোৰপতা সাপ দেখিলে গাত গামোচা দলিয়াবলৈ নাযাব, আপোনাৰ বাবেই যদি কামাতুৰ সাপ দুটাই কামনা চৰিতাৰ্থ কৰিবলৈ নাপাই তেন্তে আপোনাক যিকোনো সময়ত আক্ৰমণ কৰিব পাৰে। ৮/ হঠাতে দেখা সাপক ভয় নুখৱাব, আপোনাৰ ক্ষিপ্ৰ প্ৰতিক্ৰিয়াই আত্মৰক্ষাৰ স্বাৰ্থত সাপটোক খঙাল কৰি তুলিব পাৰে। ৯/ ঘৰৰ পিৰালিত যাতে হাবি-বন নগজে তাৰ প্ৰতি সততে লক্ষ্য ৰাখক। ভাল ফুল ফুলে ...
Read more